ОШ. Семинар кеңешменин жүрүшүндө тамекини сыртка сатууну уюштуруу менен ага болгон баанын туруктуулугун бекемдөө, эл аралык стандарттагы жаңы тамеки сортторун өстүрүү жана анын жалпы өндүрүштүк сапатын көтөрүү сыяктуу маселелер талкууланды. Жыйындын аягында анын катышуучулары тамекичиликти мамлекттик колдоого алууну суранган атайын кайрылуу кабыл алышты.Облустук мамлекеттик администрация башчысынын орун басары Жусуп Нышанбаевдин билдирүүсүнө караганда, облустун аймагындагы тамеки аянттары мындан он жыл мурункуга салыштырмалуу төрт эсеге кыскарып кетти. Мындай кырдаалдын пайда болушуна акыркы төрт-беш жыл аралыгындагы аймакта тамекиге болгон баанын кескин түшүп кеткендиги себепчи болгон.
