Оогандардын куралсыз 3 атуулунун АКШнын аскер кызматкерлери тарабынан атып өлтүрүлгөндүгүнө байланыштуу америкалык аскер командачылык Ооганстандын бийлигинен кечирим сурады. Оогандар Газни провинциясындагы блок-посттун жанында атып өлтүрүлгөн. Алардан тышкары дагы эки ооган жаракат алышкан. Америкалык командачылыктын өкүлү Скотт Нелсондун билдиргенине караганда, учурда бул окуяга байланыштуу тергөө иштери жүргүзүлүүдө.
