БИШКЕК. Бул күндөрү Чолпоната шаарында «Жаштар жана шайлоо: 2005» деген темада конференция өтүп жатат. Ага өлкөнүн бардык региондорунан жаштар чакырылып, келерки жылдагы шайлоолорду адилет жана калыс өткөрүү маселеси талкууланууда. Жаштар алдында Жогорку Кеңештин депутаттары, Борборшайлоокомдун жана өкмөттүк эмес уюмдардын, массалык маалымат каражаттарынын өкүлдөрү сөз сүйлөп, шайлоону кандай өткөрүү боюнча өз ойлорун ортого салууда. Бул иш-чара «Өзгөрүү» аттуу коомдук уюмдун демилгеси жана Сорос фондунун, ЕККУнун колдоосу менен өтүүдө.
