БИШКЕК. Кыргызстан элдик патриоттук кыймылы бүгүн 12 пункттан турган резолюция кабыл алды. Анда өлкөдө болуп жаткан социалдык-саясий окуяларга кыймылдын позициясы билдирилген. Резолюцияда «президент Аскар Акаев келерки жылдагы шайлоого бара албайт, өкмөт өлкөнү кризиске алып келди» деп белгиленип, миңдеген эмгек мигранттарынын шайлоого катышуусун камсыздоо механизмдерин иштеп чыгуу сунушталган. Ошондой эле кыймыл президенттик кызматка Турсунбек Акундун талапкерлигин көрсөткөн. Бул тууралуу кыймылдын уюштуруучуларынын бири Назарбек Нышанов билдирди.
