Экваториялык Гвинеянын өкмөтү Түштүк Африкадан Британиянын мурдагы премьер-министри Маргарет Тетчердин уулу Марк Тетчерди Гвинеяга өткөрүп берүүсүн суранып жатат. Гвинея өкмөтүнүн ишениминде 51-жаштагы ишкер мунайга бай Батыш Африкадагы өлкөдө мамлекеттик төңкөрүш жасоо аракетине каржылык колдоо көрсөткөн. Түштүк африкалык бийликтер Марк Тетчерди Кейптаундун чет жакасындагы өзүнүн үйүнөн кармап, кийинчерээк күрөөнүн ордуна бошотушкан эле. Ушул тапта Гвинеяда мамлекеттик төңкөрүш жасоого камынган деп 89дай адам кармалып турат.
