БИШКЕК. Бүгүн Бишкекте Кыргызстандын эгемендүүлүгүнүн 13 жылдыгына карата жана улуу акын Токтогул Сатылгановдун туулган күнүнүн 140 жылдыгын утурлап акындардын республикалык айтышы башталды. Ага өлкөнүн чар тарабынан келишкен, соңку жылдары элге таанылып калган төкмө акындар катышууда. Мындай иш чара республикалык "Айтыш" фонду тарабынан уюштурулууда. Аталган фонддон алынган маалыматка караганда, айтышта жеңишке жетишкендерге баш-аягы 500 миң сомдук байгелер берилет.
