БИШКЕК. Бүгүн Бишкектин чет жакасында жайгашкан Акөргөө жаңы конушуна троллейбус жүрүүчү жаңы каттам ачылды. Жол каттамды ачуу аземине президент Аскар Акаев, мамлекеттик катчы Осмонакун Ибраимов, өкмөт башчы Николай Танаев жана башка мамлекеттик расмий адамдар катышты. Ушул эле күнү президент Аскар Акаев Акөргөө конушундагы беш жылдык башталгыч мектептин имаратын ачуу аземине катышты.
