Нью-Йорк шаарында өтүп жаткан курултайдын соңку күнү - бейшембиде азыркы президент Жорж Буш быйыл ноябрдагы президенттик шайлоого, Республикалык партиянын атынан талапкерликке расмий бекитилет. Курултай күчөтүлгөн коопсуздук чаралары астында өтүүдө, анын бүгүнкү башкы ораторлорунун арасында Нью-Йорктун мурдагы мэри Рудольф Жулиани да бар. Кечээ Нью-Йоркто Буштун саясатына каршылардын ири демонстрациясы болуп, ага 100миңдей адам катышты.
