Өкмөттүн бүгүнкү билдирүүсүндө айтылгандай, окумуштуулардын тобу уранды байытуу тажрыйбасын мындан төрт жыл мурда өкмөткө айтпай туруп эле жүргүзгөн. Бирок ал башталгандан көп өтпөй эле токтотулган. Сеул бул тууралуу МАГАТЭни кабардар кылып, азыр ал өз иликтөөсүн өткөрүүдө. Түштүк Корея Өзөктүк куралды жайылтпоо боюнча эл аралык келишимге кошулган, ал документ уранды байытуу иштерин МАГАТЭге кабарлабай туруп жүргүзүүгө тыюу салат.
