Берлин шаарында 1986-жылы ишке ашырылган террор аракетинен жапа чеккен 160 адамга Ливия өкмөтү 35 миллион доллар кенемте төлөп берүүгө бүгүн макул болду. Беш жылга уланган тергөөдөн кийин 2001-жылы немис соту - ал жардыруунун артында Ливиянын коопсуздук кызматы болгон деген бүтүмгө келген. Жардыруудан америкалык эки аскер менен түркиялык бир аял өлүп, эки жүзгө жакын адам жараат алган.