Ирактын түндүгүндөгү мунай кууруна кечээ күнү чабуул жасалгандан бери андагы өрт уланууда. Адистердин айтымында, аны өчүрүү үчүн дагы эки күн керек. Отузга жакын жергиликтүү үй-бүлө көчүрүлдү, жолдор жабылды. Куур Киркук шаарынан Түркияны көздөй жаткырылган жана анда мурда дагы жардыруулар болуп, ал өткөн аптада гана ишке кайрадан киргизилген. Ирактын мунай өндүрүшүнө тийген зыян бир миллиард долларга жетти.
