Франциялык эки журналистти Иракта барымтага алган аскерий топ аларды бир мусулман уюмга өткөрүп берди жана журналисттер жакында бошотулушу мүмкүн. Алар мындан эки апта мурда Нажаф шаарына баратканда туткунга алынган. Ал эми барымтага алынган түркиялык үч жаран өлтүрүлдү, ал тууралуу видео "ал-Жазира" сыналгысына жиберилген. Полициянын айтымында, алардын денелери Багдаддын түндүгүндө табылды.
