Байкоочулардын болжолунда канцлер Герхард Шрөдөрдүн башкаруучу Социал-демократиялык партиясы олуттуу жеңилишке дуушар болушу мүмкүн. Коомдук пикирди сурамжылоонун жыйынтыктарына караганда, алдыңкы орунга социал-демократтардын атаандашы Христиан-демократиялык партия чыгат. Бийликтеги социал–демократтардын калк арасындагы беделинин төмөндөшү учурда жүргүзүлүп жаткан социалдык реформаларга байланыштуу. Маселен жумушсуздук үчүн берилип келген жөлөкпулдар азыр бир топко кыскарууда. Ушундан улам Германиянын чыгышында ар дүйшөмбү сайын массалык нааразылык акциялары өтүп жатат.
