ГАЗА. Израилдик аскерлер Газа тилкесинин түндүгүндөгү Жабалия жана Бейт-Ханун деген палестин качкындарынын жайларынан чыгып кетишти. Жөөт тарабы Газанын түндүгүндөгү жээк чөлкөмдөрдө аскерлер дагы эле кала берип жатканын билдирет. Үч күндүк аскердик операциянын жүрүшүндө Жабалияда бир нече палестин, анын ичинде, ХАМАС тобунун активдүү мүчөлөрүнүн бири өлтүрүлдү. Операцияда карапайым кишилер да курман болгондугу кабарланат. Израил өз аскерлерин жөөт кыштактарын ракеталар менен аткылап жаткан куралчандарды жок кылуу максаты менен киргизгенин айтат.
