Америка Кошмо Штаттарынын чалгындоо кызматтары Иракта келерки эки жылда эмне болоору тууралуу жашыруун доклад даярдап, аны президент Жорж Бушка тапшырды. Өкмөт ал жөнүндө маалымат берүүдөн баш тартууда, бирок америкалык журналисттер тапкан маалыматтарга караганда, эң эле жакшы дегенде Ирак өтө алсыз экономикага ээ мамлекетке айланат, бирок өлкөдө ич-ара согуш башталышы да толук ыктымал. Ак үйдүн айтымында, докладда мүмкүн боло турган окуялар тууралуу гана жазылган жана эч кандай жыйынтык чыгарылган эмес.
