Европа Биримдигинин кеңейүү маселелери боюнча комиссары Гюнтер Верхойген бүгүн Брюсселден жарыя жасап, эгер Түркия өзүнүн абактарындагы абалды оңдоо боюнча жаңы мыйзамды 6-октябрга чейин кабыл албаса, анын Биримдикке кошулуу шансы азая турганын билдирди. Мыйзам долбоору парламентке берилген, бирок бийликтеги партия аны кечээ күнү кайрадан чакыртып алды жана анын себептери ачык жарыяланган жок.