Түндүк Кореянын өкмөттүк маалымат агенттиги бүгүн тараткан маалыматка караганда, Пхеньянга каршы кастык мамилесин Америка Кошмо Штаттары оңдомоюнча, өлкө өзүнүн өзөктүк изилдөө программаларын токтотпойт жана ал тууралуу эч кандай эл аралык сүйлөшүүлөргө катышпайт. Агенттиктин айтымында, 1982- жана 2000-жылы кошуна Түштүк Кореяда өзөктүк изилдөөлөр өткөрүлгөнү боюнча АКШ катуу чара көрбөгөнү - Вашингтон кош стандарт саясат жүргүзгөнүн айгинелейт.
