31-октябрда Украинада өтө турган президенттик шайлоого оппозиция тарабынан көрсөтүлгөн Виктор Ющенко бүгүн Киев шаарында парламенттин жыйынында чыгып сүйлөп, душмандары аны ууктурууга аракеттенген деп жарыялады. Сентябрдын башында Ющенко Вена шаарына барганда, кокусунан сыркоолоп, бир апта ооруканада жаткан. Австриялык доктурлар андан чанда кездешкен вирус таап, андай вирус эч бир тамак-ашта болбойт деп билдирген.
