БИШКЕК. Ушул дүйшөмбүдөн тарта 30-сентябрга чейин Бишкекте кыргыз-иран өкмөттөр аралык комиссиянын жетинчи жыйыны болот. Ага катышуучу делегацияны ислам маданияты жана байланыштар уюмунун эл аралык келишимдер бөлүмүнүн башчысы Шабдан Неждада баштап келет. Жыйында эки өлкөнүн соода-экономикалык, билим берүү тармагындагы кызматташуусу талкууланып, жыйынтыктоочу документ катары соода-экономикалык, илимий-техникалык жана маданий тармакта кызматташуу тууралуу меморандумга кол коюлат.