ИСЛАМАБАД. Жума күнү Пакистандын президенти Первез Мушараф менен Индиянын премьер-министри Манмохан Сингх Улуттар уюмунун башкы ассамблеясында жолугушуп, Кашмир маселесин талкуулашты. Эки жетекчи Кашмир проблемасын жөнгө салуунун жолдорун иликтеп, эки өлкөнүн кызматташуусу жана энергетика тармагындагы орток долбор жөнүндө макулдашышты. Ядролук куралга ээ Пакистан менен Индия экөөнүн ортосунда бөлүнгөн Кашмир чөлкөмүн талашып, эки жолу согушкан.
