ТЕГЕРАН. Иран бүгүн алыска учуучу стратегиялык ракетасын сыноодон ийгиликтүү өткөрүп, куралдуу күчтөрүнүн арсеналына бергенин билдирди. Өлкөнүн коргоо министри жаңы курал өлкөнүн коргонуусун жакшыртуу үчүн иштелип чыкканын айтат. Иранды ядролук куралдарды жашыруун жасап чыгарууда деп айыптаган АКШ сөз болуп жаткан баллистикалык ракеталар менен өзөктүк дүрмөттөрдү бутага жеткирүү мүмкүн, деп чочулайт. Иран бул айыптоолорду четке кагып келатат.
