КАРАКОЛ. Облустук шайлоо комиссиясынын жооптуу катчысы Турсунгүл Сабитованын айтымында жергиликтүү кеңештерге депутаттыкка талапкерлер шайлоочуларды өздөрүнүн платформа жана программалары менен тааныштыра башташты. Маселен, Балыкчы шаардык кеңешине депутат болуучу 103 талапкердин 25 гана депутаттык мандат алат. Ал эми Ысыккөл районунан 334 талапкер 214 депутаттык мандат үчүн күч сынашат. Облустук шайлоо комиссиясынын дагы бир маалыматына караганда, ушул тапта участкалык шайлоо комиссияларында семинарлар өтүп, Шайлоо кодексине киргизилген жаңы өзгөртүүлөр жана толуктоолор боюнча кошумча окуулар уюштурулууда.
