БИШКЕК. «Мамлекет башчы Аскар Акаев үчүн кыргыз мамлекети жана кыргыз эли эч нерсеге турбайт. Аскар Акаев келечекте да бийликте калуу үчүн бардык нерсеге барышы толук ыктымал. Ага 2002-жылы кыргыз милиция кызматкерлери тарабынан Аксы районунун элинин атылышы мисал болот». Мындай мазмундагы билдирүүнү Феликс Кулов жетектеген«Арнамыс» партиясы Аскар Акаев баштаган Кыргызстандык делегациянын АКШдагы иш сапарына байланыштуу таратты. Ошондой эле билдирүүдө аталган партиянын өкүлдөрү Аскар Акаев БУУнун сессиясында сүйлөп жатканда имараттын алдына пикетке чыгыша тургандыгы маалымдалган.
