Нью-Йорктогу биржада кечээ чийки мунайдын бир баррелинин баасы 50 доллар 47 центке бааланганы кабарланды. Эксперттер стратегиялык товардын баасынын кымбатташына Сауд Арапстандагы көтөрүлүш, Нигериядагы салгылаштар, АКШдагы катуу шамал, Орусиядагы ири мунай компаниясынын тегерегиндеги иштер, Ирактагы кагылышуулардын кесепеттери тийди деп жатышат. Мунайдын баасын турукташтыруу аракетинде Сауд Арапстандын өкмөтү кара май өндүрүүнү көбөйтүп, күнүнө 9,5 млн. баррелдин ордуна бүгүндөн тарта 11 млн. баррел мунай экспорттоорун жарыялады.
