Тажикстандын тышкы иштер министри Талбак Назаров кечээ күнү Нью-Йоркто Бириккен Улуттардын сессиясында чыгып сүйлөп, кедей өлкөлөрдүн тышкы карызы кечирилүүгө тийиш деп билдирди. Анын айтымында, Тажикстан калкынын 80 пайызы азыр жакырчылыкта жашайт. Өлкөнүн тышкы карызы азыр бир миллард доллардан ашык жана өкмөттүк кирешенин кырктан ашык пайызы карызды төлөөгө жумшалат.
