Ооганстандын түштүгүндөгү Зубул провинциясындагы чек ара түйүнүнө кечээ күнү чабуул жасалгандан жети өкмөттүк аскер курман болду. Провинциянын губернатору Хан Мухаммеддин айтымында, чек ара түйүнүн Талибан кыймылынын кыркка жакын жоокери курчоого алып, чек арачыларды куралсыздандырган. Анткен менен эки аскер тирүү калды. Ошол эле провинциянын башка аймактарында болгон салгылашуулардан 28- жана 29-сентябрда дагы жети өкмөттүк аскер курман болду.
