БИШКЕК. 1-октябрда Кыргызстандын президенти Аскар Акаев Иран ислам республикасынын вице-президенти Мухаммад Реза Ареф менен жолугушту. Президент Акаев кыргыз-иран өкмөттөр аралык комиссиясынын 7-отурумунда кабыл алынган эки тараптуу кызматташуу багытындагы маселелердин жыйынтыгында жылдык соода жүгүртүү 200 млн. доллар өлчөмүнө жетээрине ишенээрин белгиледи.
Ушул эле күнү Өкмөт үйүндө Кыргызстандын премьер-министри Николай Танаев менен Иран ислам республикасынын вице-президенти Мухаммад Реза Ареф соода-экономикалык семинарга катышты. Анда өкмөт башчы Иран менен дипломатиялык мамиле түзүлгөндөн бери эки тараптуу кызматташуу багытындагы 70 документке кол коюлгандыгын билдирди.
Ал эми Ирандын вице-президенти Кыргызстандын соода байланыштарын чыңдоо максатында Иран 50 млн. доллар өлчөмүндө кредит бөлөөрүн белгиледи. Семинарда ирандык жана кыргызстандык ишкерлер пикир алмашты.
Ушул эле күнү Ирандын вице-президенти Жогорку Кеңештин эл өкүлдөр жыйынынын төрагасы Алтай Бөрүбаев менен жолугушту.
Ушул эле күнү Өкмөт үйүндө Кыргызстандын премьер-министри Николай Танаев менен Иран ислам республикасынын вице-президенти Мухаммад Реза Ареф соода-экономикалык семинарга катышты. Анда өкмөт башчы Иран менен дипломатиялык мамиле түзүлгөндөн бери эки тараптуу кызматташуу багытындагы 70 документке кол коюлгандыгын билдирди.
Ал эми Ирандын вице-президенти Кыргызстандын соода байланыштарын чыңдоо максатында Иран 50 млн. доллар өлчөмүндө кредит бөлөөрүн белгиледи. Семинарда ирандык жана кыргызстандык ишкерлер пикир алмашты.
Ушул эле күнү Ирандын вице-президенти Жогорку Кеңештин эл өкүлдөр жыйынынын төрагасы Алтай Бөрүбаев менен жолугушту.