Адам укуктары боюнча эл аралык федерация кечээ күнү Варшава шаарынан атайын жарыя жасап, орус аскерлери Чеченстанда жүргүзүп жаткан кыргын тууралуу Европа мамлекеттери үн чыгарбаганы абалды ого бетер начарлатып жатат деп билдирди. Страсбург шаарындагы Европа кеңешиндеги Орусиянын өкүлү ошол эле күнү жасаган билдирүүгө ылайык болсо, Чеченстандагы абалды сынга алуу террорчулукка каршы күрөштү солгундатат.
