Назрандагы атышууда үчүнчү киши колго түштү. Ассошиэйтед Пресстин билдиришинче, куралчандар куралын таштоону талап кылган орус аскерлерине ок ачышкан. Федералдык Коопсуздук кызматынын маалымат катчысы, генерал-майор Иля Шабалкиндин айтымында, аскерлер окко ок менен жооп кайтарышкан. Атышууда эки аял, алты жаш бала жеңил жараат алды. Шабалкиндин сөзү боюнча, өлтүрүлгөн куралчандардын бири – Магомед Хашиев деген Назранда июнь айында полиция бекеттерине кол салууларга катышкан имиш. Ал чабуулдарда 90дой киши курман болгон.
