Иракта барымтачылар кармалды

Ирак полициясы билдиргендей, жети киши өлкөнүн түндүгүндөгү Киркук шаарында колго түшүрүлдү, операциянын жүрүшүндө эки ирактык туткун бошотулду.

Жеке менчик үйдөгү рейддин мезгилинде автоматтар, замбирек, гранаталар табылды.

Анын аралыгында, Абу Муссав ал-Заркавинин тобуна киребиз деп ырастаган куралчандар Дубайдагы ал-Арабия телеканалында түрк туткунун өлтүрөбүз деп эскертишти. Видео тасмада алар бардык ирактык айыпкерлерди бошотууну жана бардык түрк атуулдарынын Ирактан кетишин талап кылышты.