Израил армиясы Газа тилкесинде Бейт Лахия шаарчасына басып кирди

Кабарчылардын маалымдашынча куралчан палестиналыктардын каршылыктарына карабастан, ондогон танктар жана аскерий булдозерлер кыштакты ээлеп алды.

Бейт Лахия акыркы эки жума бою израилдик аскерлер палестин согушчандарына каршы операция өткөргөн Жабалия качкындар лагеринин түндүк жагындагы шаарча.

Израилдик тук учак Бейт Лахиядагы үйлөрдүн бирине аткан ракетадан ХАМАС кыймылынын жетекчилеринин бири ( Мохаммед Мааруф) өлүп, эки киши жарадар болгону, Батыш Иорданда ХАМАСтын башка бир лидери Имад Хавашме камакка алындганы кабарланды.

Хавашме израилдиктерге каршы уюштурулган бир нече бомба чабуулу үчүн жооптуу деп издөөдө эле.