БИШКЕК. 14-октябрда Мыйзам чыгаруу жыйынынын соттук-укуктук жана мыйзамдуулук боюнча комитетинде «Арнамыс» партиясынын абактагы лидери Фелис Куловдун арызы каралды. Арызда Кулов Биринчи май райондук сотунун ага карата Кылмыш кодексинин 38-беренесинин туура пайдаланышын жана анын абакта отуруу мөөнөтү 2000-жылы 22-мартта камакка алынгандан тарта эсептелеби же Биринчи май райондук соту белгилегендей 2001-жылдын 26-июлунан тарта башталабы, - мына ушуларды тактап берүүнү өтүнгөн.
Азимбек Бекназаровдун төрагалыгы астында өткөн комитет жыйынында Биринчи май райондук сотунун чечимдери туура эмес экендиги белгиленип, Феликс Куловго Сокулук райондук соттун 2004-жылдын 13-августундагы чечимин жокко чыгаруу үчүн Жогорку сотко апелляциялык арыз менен кайрылуу сунушталды.
Азимбек Бекназаровдун төрагалыгы астында өткөн комитет жыйынында Биринчи май райондук сотунун чечимдери туура эмес экендиги белгиленип, Феликс Куловго Сокулук райондук соттун 2004-жылдын 13-августундагы чечимин жокко чыгаруу үчүн Жогорку сотко апелляциялык арыз менен кайрылуу сунушталды.
