БИШКЕК. 14-октябрда Конституциялык сот Кыргызстандын төрт атуулунун арызын карап, аны канааттандырды. Май-июль айларында сотко жолдонгон арызда Төлөйкан Исмаилова, Нурлан Данияров, Анатолий Новиков жана Татьяна Калышникова 2002-жылы Мыйзам чыгаруу жыйыны кабыл алган «Атуулдардын эркин, тынчтык максатта чогулуу, жүрүш, митинг жана демонстрацияларды өткөрүү укугу жөнүндөгү» мыйзамдын Конституцияга карама-каршы келерин белгилеп, ошого байланыштуу мыйзамдын 5-, 6- жана 7-беренелерин жокко чыгаруу өтүнүчүн билдирген.
Мыйзамдын бул беренелеринде атуулдар митинг, жүрүш өткөрүү үчүн жергиликтүү бийликтен уруксат алыш керектиги жазылган эле.
Конституциялык сот мыйзамдын аталган беренелери Конституциянын 16-беренесине каршы келет деп, алар күчүн жоготкондугу тууралуу чечим кабыл алды.
Мыйзамдын бул беренелеринде атуулдар митинг, жүрүш өткөрүү үчүн жергиликтүү бийликтен уруксат алыш керектиги жазылган эле.
Конституциялык сот мыйзамдын аталган беренелери Конституциянын 16-беренесине каршы келет деп, алар күчүн жоготкондугу тууралуу чечим кабыл алды.
