Израилдин коргоо министринин орун басары Зейев Бойимдин айтымында, жөөт аскерлеринин Газа тилкесине мындан 16 күн мурда башталган чабуулу басаңдады жана өкмөт Жабаля шаарынан аскерлерди чыгарууга киришти. Бирок шаар тургундарынын айтымында, чабуулдун басаңдаганы байкалбайт жана бүгүн эртең менен атылган ракетадан дагы эки адам курман болду. Бардыгы болуп чабуул учурунда жүздөн ашык араб адам өлдү.
