БИШКЕК. Ишемби күнү кечинде Жалалабад шаарындагы «Дастан» аттуу кафеден 40 метрче алыс жерде РГП-18 тибиндеги бир жолу атылуучу гранатомет табылды. Узундугу бир метрчелик кара түстөгү металлды жергиликтүү өспүрүмдөр таап алышып, Жалалабад облустук ички иштер башкармасына алып келишкен. Ал жердеги адистер гранатомет экендигин аныктап, зыянсыздандырышкандан кийин кадимки электрондук сааттын батарейкалары, автомобилдин стартери менен жабдылып, атууга даярдалгандыгын аныкташкан. Мындай маалыматты АКИпресс агенттиги таратты.
