АКШнын мамлекеттик катчысы Колин Пауэлл бүгүн Азия мамлекеттерине сапарга чыгат. Жапания, Кытай жана Түштүк Кореяда болуп, Пауэлл бул өлкөлөрдүн жетекчилери менен Түндүк Кореянын өзөктүк изилдөөлөрүнөн чыккан маселелерди талкуулайт. Былтыртан бери бул маселе боюнча алты тараптуу үч жыйын болуп, андан эч жыйынтык чыккан эмес. АКШ, Жапания, Кытай жана Түштүк Кореядан тышкары ал жыйындарга Орусия менен Түндүк Кореянын өкүлдөрү катышкан.
