ЖАЛАЛАБАД. Облустук бийликтин жана облустук «Акыйкат» газетасынын демилгеси менен өткөн үч күндүк семинарга Германиянын «Фридрих Эберт» кору каржылык колдоо көрсөттү. Райондук гезиттин өкүлдөрүнө азыркы талапка ылайык иштөөнүн мыйзамдык жоболору жана техникаларды колдонуунун ыкмалары үйрөтүлдү. Алар басмаканалар эскирип, жаңы жабдууларга, финансылык колдоолорго жана жаш кадрларга муктаж экендиктерин билдиришти. Аптасына бир чыккан басылмаларга жергиликтүү бийлик саясий иш чаралар алдында гана көңүл бурарын белгилешти.
