Орусияда бүгүн - мындан бир жыл мурда Маскөө театрында болгон барымта окуясынын бир жылдыгы белгиленүүдө. Дубровка театрындагы 800 адам чечен согушкерлери тарабынан барымтага алынган жана эки күндөн кийин Орусиянын коопсуздук кызматы театр имаратына уулуу газ киргизгенден кыркка жакын барымтачы менен кошо токсонго жакын карапайым адам өлгөн. Тергөө иши эмгиче аяктай элек, курман болгондордун туугандарынын кенемте төлөп берүү арыздарын болсо соттор четке кагууда.
