БИШКЕК. Үй куруучулар партиясынын лидерлери бүгүн Акипресс агенттигинде маалымат жыйынын өткөрүп, жергиликтүү кеңештерге шайлоого карата пикирин билдиришти. Партия өкүлдөрүнүн айтымында, алар Бишкек шаардык кеңешке сегиз талапкерди көрсөтүшкөн. Алардын ичинен бир талапкер жеңишке жетишкен. Бирок сот аркылуу анын мандаты алтынчы орунду ээлеген талапкерге ыйгарылган. Биз буга нааразы болуп, апелляциялык арыз менен Жогорку Сотко кайрылдык, эгерде жогорку сот инстанциясында биздин талапкердин мыйзамдуу кызыкчылыгы корголбосо, анда нааразылык акциясына чыгууга мажбур болобуз, деп белгиледи партия лидерлеринин бири Жанаалы Шабдрай Зергер.
