Линктер

бейшемби, 21-сентябрь, 2017 Бишкек убактысы 16:56

Ирак өкмөтү бүгүн Фаллужага элчилерин жиберди


Убактылуу премьер-министр Ияд Аллави козголоңчулар менен акыркы жолу сүйлөшүп, мунаса тапканга аракеттенип көрүү керек, эгер мындан да эчтеме чыкпаса, анда шаарды жапырык жасап алганга туура келет деп эсептейт. Америкалык Эй-Би-Си телекомпаниясы Ирактагы кампаларда сакталган үч жүз тоннадан ашуун жарылма зат америкалык аскерлер бул өлкөгө киргенден кийин жоголгонун тастыктаган тасманы көрсөттү. Экстремисттер болсо шри-ланкалык жана бангладештик эки кишини барымтага кармап алышканын билдиришти. Кечээ азия тейлүү бир адамдын жасаты табылды деген кабарды Жапониянын өкмөтү териштирип жатат. Абу Мусаба аз-Заркавинин тобу Токио өкмөтүнө эки сутка ичинде Ирактан аскерлерин алып кеткенге шарт коюп, болбосо туткунда жаткан япон тургуну өлтүрүлөт деп эскертишкен эле.

“Азаттык” үналгысы журтташтар арасында жарыялаган онлайн сынак аяктады. Сынакка келген материалдар менен бул жерден таанышсаңыз болот. ​

XS
SM
MD
LG