БИШКЕК. Борбор Азиядагы мамлекеттердин өнүгүшүндөгү башкы шарт-тыгыз кызматташуу. Азия өнүгүү банкынын Борбор Азияны иликтеп чыккан адистери мына ушундай бүтүмгө келишти. Алардын иликтөөсү боюнча, жакырчылыкты жоюу үчүн экспортту кеңейтүү, жеке сектордун ишин бекемдөө, экономикалык жактан пайдалуу тармакка инвестиция тартуу зарыл. Ушундан улам Азия өнүгүү банкы 2004-2006-жылдары энергетика, транспорт жана соода тармагын өнүктүрүү долбоорлорун ишке ашырууга басым жасамак болду.
