БИШКЕК. Бүгүн Украинада президентик шайлоо өттү. Жекшембиде эртең менен бул өлкөнүн Бишкектеги элчилигинде да шайлоо участкасы ачылды. Элчиликте жайгашкан шайлоо участкасында 174 шайлоочу катталган. Алардын 90 Бишкек шаарында жашап турат. Калгандары өлкөнүн башка аймактарында жайгашкан. Ошого байланыштуу жекшембиде негизинен Кыргызстан борборунда жашаган Украин атуулдары добуш берүүгө катышты, деп билдиришти Украинанын Бишкектеги элчилигинен.
