Иран президенти Мохаммад Хатами бүгүн Тегеран шаарында журналисттер менен жолугуп, өлкөнүн өзөктүк изилдөөлөрүнөн чыккан чатак боюнча Европа Биримдиги менен жүргүзүлүп жаткан сүйлөшүү ийгиликтүү аяктаарына ал ишенгенин билдирди. Хатаминин айтымында, эгер Ирандын өзөктүк технологияга ээ болууга укугун Европа Биримдиги тааныса, Тегеран дагы өзүнүн өзөктүк ишканаларын текшертип, алар аскерий максатты көздөбөгөнүн далилдейт. Ноябрдын жыйырма бешине чейин Өзөктүк кубат боюнча эл аралык агенттикке Иран өзүнүн өзөктүк ишканалары тууралуу толук отчёт берүүгө тийиш.
