БИШКЕК. «Учкун» басмасы кыргыз элинин тарыхын, маданиятын, каада-салттарын чагылдырган «Кыргыздар» аттуу 10 томдук китепти басууну 15-ноябрда аяктайт. Бул тууралуу китепти түзүүчү, жазуучу Кеңеш Жусупов билдирди. Китептин ар бири 1000 нускадан турат. Ал эми редакциялык кеңештин тутумунда Осмонакун Ибраимов, Аскар Какеев, Аблабек Асанканов, Владимир Плоских, Кеңеш Жусупов жана Каныбек Иманалиев өңдүү окумуштуулар жана коомдук ишмерлер бар.
