Бул тууралуу адам укуктарын коргоочу Мемориал уюму жарыялады. Уюмдун өкүлү Дмитрий Грушкиндин бүгүн билдиргенине караганда, алар быйыл январдан октябрга чейин Чеченстанда жөн-жай 294 адам уурдалганын аныкташкан. Уурдалгандардын 146cы бошотулган, 20сынын сөөгү табылган, 128и азыр деле белгисиз. Эл аралык укук коргоо уюмдары орус аскерлерин, чечен согушкерлерин да адам укуктарын бузганы үчүн утур-утур сынга алып келүүдө.
