ВАШИНГТОН. АКШнын мамлекеттик катчылыгына Жорж Буш өзүнүн улуттук коопсуздук боюнча кеңешчиси Кондолиза Райсты дайындаганы жатат. Бул жөнүндө Ак үйдүн жогорку даражалуу өкүлдөрү билдиришти. Дүйшөмбү күнү Мамлекеттик департаменттин азыркы башчысы Колин Пауэл кызматтан кетип жатканын расмий билдирди. Бирок ал жаңы катчы Сенат тарабынан бекитилмейинче мамкатчылык милдетин аткара бере турганын белгиледи.
