БИШКЕК. Кыргызстанда үстүбүздөгү жылдын 1-ноябрына салыштырмалуу ВИЧ-СПИД илдетине чалдыккан 630 адам катталган. Алардын 83 СПИД вирусун шприцтен жугузган. Бул тууралуу Республикалык “СПИД” борборунан маалымдашты. Айрым адистердин пикиринде, Кыргызстанда ВИЧ инфекциясын алып жүрүүчүлөр аталган цифрадан кыйла көп. СПИД илдетине чалдыккандар атайын бейтапканалардан медициналык текшерүүдөн өтүшпөй, өмүрүн тобокелге салып коюшкан. Алардын кесепетинен башка адамдарга ВИЧ инфекциясынын жугушу көбөйүүдө. Октябрь айында эле 63 адам ВИЧ инфекциясын жуктуруп алган. Дарыгерлердин айтымына,“Кылым чумасынын” вирусун жукттурган 10 адамдын тогузу өзүн оорулуу деп күмөн санабайт.
