Улуттар уюмунун жаңы докладында СПИД оорусу Чыгыш Европа менен Борбордук Азияда кооптуу деңгээлде жайылып баратканы айтылат. Андагы маалыматтар боюнча соңку эки жыл ичинде аталган посткоммунисттик аймактарда жугуштуу СПИДге чалдыккандардын саны дээрлик 40%га көбөйгөн. БУУнун докладында мисалга мурдагы Советтер Союзунда 2002-жылы ВИЧ-вирусуна кабылган адамдардын саны 1 миллиондун тегерегинде болсо, быйыл андай оорулуулардын саны 1 млн. 400 миң адамга чамалап барганы белгиленген.
