БАГДАД. Иракта ишке ашырылып жаткан аскердик операцияда "согушкелер менен байланашы бар" деген шек менен 210 киши кармалды. Ирактагы америкалык аскерлер эл-Фалужанын айланасындагы жолдорду тосмого алып, шаарда калган согушкерлерди чыгарбай, жолун тороп жатышат. Айыгышкан салгылашуулардан кийин Фалужа америкалык аскерлердин колуна өткөн. Кечээ Мосул шаарында өткөрүлгөн дагы бир аскердик операцияда 17 согушкер колго түшүрүлдү. Рейддер 30-январга белгиленген шайлоонун коопсуздугун камсыз кылуу максаты менен жүргүзүлүүдө.
