БИШКЕК. 23-декабрда Кыргызстандан 70ке жакын атуул Украинанын президентин шайлоо боюнча кайра добуш берүү иш-чарасына көз карандысыз байкоочу катары катышууга жөнөп кетет. Бул тууралуу бүгүн «Демократия жана атуулдук коом үчүн» бейөкмөт уюмдар Коалициясынын жетекчиси Эдил Байсалов билдирди. Буга чейин, 21-ноябрда Украинада өткөн президенттик шайлоонун экинчи айлампасына да Кыргызстандан 70 көз карандысыз байкоочу катышкан. Украинада президентти шайлоо боюнча кайра добуш берүү 26-декабрда өтөт.
